संरचना
प्राधिकरणातील वास्तुशास्त्रीय विभाग हा मुख्य वास्तुशास्त्रज्ञ व नियोजनकार यांच्या अधिपत्याखाली असून वास्तुशास्त्रीय कामकाजातील समन्वय,पर्यवेक्षण व नियंत्रणाची जबाबदारी सांभाळण्यात येते. विभागीय मंडळातील वास्तुशास्त्रीय कामकाज, वास्तुशास्त्रज्ञ यांच्या अधिपत्याखाली स्वतंत्ररित्या सांभाळण्यात येते.
कार्य आणि कर्तव्य
- विकास नियंत्रण नियमावलीचे वेळोवेळी अभ्यास करून शासनाकडे कालानुरूप बदल करण्याबाबत प्रस्ताव सादर करणे.
- झोपडपट्टी पुनर्विकास, पुनर्बाधणी, नागरी नुतनीकरण योजना, संक्रमण शिबिरांचे पुनर्विकास, वसाह्तींचे पुनर्विकास, नवीन गृहनिर्माण योजना इ. अभ्यास करून त्यावर योजना तयार करण्याची कार्यवाही करणे.
- मंडळाच्या वास्तुशास्त्रज्ञांच्या पँनेलवर वास्तुशास्त्रज्ञ / समंत्रक यांची नेमणूकीकरीता कार्यवाही करणे व आवश्यकतेनुसार विविध वसाह्तींचे भू-अभिन्यास मंजूरी करीता अथवा प्रकल्पांचे नियोजन करणे करीता नेमणूक करणे.
- समंत्रक/वास्तुशास्त्रज्ञांना विविध योजनाकरीता नियोजनात्मक व सर्वकष मार्गदर्शन करणे.
- स्थानिक प्राधिकरणाकडून विविध योजनांची मंजूरी करीता पाठपुरावा करणे.
- जून्या वसाहतींच्या अभिन्यासातील जमिनीचे योग्यरित्या वापर होण्याच्या दृष्टीने अभिन्यास तयार करणे आणि अद्ययावत करण्याबाबत समन्वय साधणे.
- विविध गृहनिर्माण योजनांकरीता प्राथमिक स्वरूपाचे अभिन्यास व इमारतीचे नकाशे तयार करणे.
- विविध गृहनिर्माण योजनांचे तांत्रिक कर्मचार्‍यांकडून महानगर पालिकेकडे सादर करावयाचे नकाशे तयार करणे व प्रशासकिय मंजूरी प्राप्त करणे.
- जून्या वसाहतीतील इमारतींचे पुनर्बाधणीचे प्रस्तावावर कार्यवाही करणे.
- मंडळाच्या वसाह्तीमधील जून्या इमारतींच्या पुनर्बाधणी प्रस्तावांची छाननी व त्यानुसार "देकार पत्र" व "ना हरकत प्रमाणपत्र" देण्याबाबत कार्यवाही करणे.
- प्राधिकरण धोरणानुसार करमणुकीचे मैदान, खेळाचे मैदान, उद्यान,फूटकळ भूखंड, ना फूटकळ ना स्वतंत्ररित्या विकासक्षम भूखंडांच्या वितरणाबाबत प्रस्तावांची छाननी करणे.
- गाळ्यांच्या व भूखंडाच्या वापर बदलाबाबत प्रस्तावांची नियोजनात्मक दृष्टया कार्यवाही करणे.
- विविध जून्या नकाशांचे अभिलेख तयार करणे.
- इमारतीचे नकाशे अभिन्यासाचे नकाशे तसेच इतर नकाशांबाबत अभिलेख ठेवणे.
- नकाशांचे अभिलेख संगणकाच्या सहाय्याने जतन करणे. सदर बाबतीत योग्य ती संगणक प्रणाली आणि स्कँनर घेण्याबाबतची कार्यवाही सुरू आहे.
- लेखापरिक्षकाच्या शेर्‍याबाबत नियोजनात्मक दृष्टया खुलासा करणे.
- मुंबई मंडळासमोर/प्राधिकरणासमोर बाब टिप्पणी सादर करण्याबाबत कार्यवाही करणे.
- न्यायालयीन प्रकरणामध्ये वास्तुशास्त्रीय व नियोजनात्मक दृष्टया विविध बाबीवर सहाय्य करणे.
- संयुक्त प्रकल्प प्रस्तावांवर कार्यवाही करणे.
- विभागातर्फे राबविण्यात येणार्‍या प्रकल्पाचे अभिन्यास तयार करणे, वर्किग ड्राँईग करणे आणि वास्तुशास्त्रीय नकाशे तयार करणे.
- शासन संदर्भ, लक्षवेधी संदर्भ (WR), तसेच विधान सभा/ परिषद तारंकित / अतारांकित प्रश्न, आश्वासन, कपात सूचना, लक्षवेधी सूचनांची उत्तरे तयार करणे.
- विविध प्रकरणांमध्ये विकास आराखडयानुसार आरक्षण, तसेच अभिन्यासाच्या आरक्षणाबाबत अभिप्राय देणे.
- विविध भूखंडाचे क्षेत्रफळ दाखल्याचे रेखांकन तयार करणे.
- माहिती अधिकार - २००५ अंतर्गत प्राप्त झालेल्या अर्जानुसार आणि कार्यालयातील उपलब्ध अभिलेखानुसार (वास्तुशास्त्रज्ञ विभागाशी संबधित ) माहिती पुरविणे.